Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025

•  Liivulwa

Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza.

Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County.

• Kuviikilwa makono.

Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church).

• Likevwa

Yaakevwa muhiga gwa 1952 kekevo chalaangwa Silula.

• Lisooma

Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa.

Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela lialaangwa KAPE (Kenya African Preliminary Examination) muhiga gwa 1960. Yamanya avite vulahi.

Muhiga gwa 1961 yaazya kusooma Chavakali Secondary School kuduuka muhiga gwa 1964 nakola ligela lialaangwa Cambridge School Certificate (CSC). Yaavita vulahi.

Yaamanya nazya kusooma ha Friends School Kamusinga muhiga gwa 1965 kuduuka 1966 nakola ligela lia Advanced School Certificate. Kandi yamanya avite vulahi.

Muhiga gwa 1967 yaazya mu University of Nairobi nanyoola Bachelor of Arts. Yaali mulala kuvandu vakutaanga kunyoola Degree mulusoma lunu.

Muhiga gua 1987 yaazya Norway, Oslo International Summer School kusoomela International Relations ma niyilana.

• Miyiinzi

Muhiga gwa 1967 yigiza ha Kigama Harambee Secondary School kuli Head Teacher.

Muhiga gwa 1970 yaali Disttict Officer (DO) mukivala cha Kisii. 1972 yahilwa mu Ministry ya Power and Lighting.

Yamanya nahilwa mu G.T.I (Government Training Institute) Maseno kuli mwigizi (Lecturer). Yatovolwa na kuva musaangi wa Magazine Editorial Board kandi yaali mukini wo mupiila gwe vileenge.

Nakikiliza Maseno yaho, yaahaandika kitabu cha “The Herdsman’s Daughter”. Muhiga gwa 1976 yaaleka igaasi ya Selikali nazya kukola miyiinzi jiejie mwene.

1987 yatovolwa kuva Town Clerk wokutaanga mu Vihiga Town Council. Yaazyizagilila kuduuka lua yalangwa Vihiga Municipal Council muhiga gwa 1997 lwa yaaza kusoosa.

• Miyiinzi jindi

1973 navee Kisii yaatovolwa kuva mukalani wa Maragoli Community

Yaali Board Member wi zisukuulu yizi: Kigama, Kakamega, Gaigedi, Gahumbwa

Yaali musaangi mumugaanda gwa Kwambulana kuhandiika vitabu via Lulogooli.

Yaali mulala kuvumbaka hovisi ya chifu Wodanga

Yaali musaangi, mukalani ma nava wendeve Vihiga Cultural Society mihiga likomi (2009-2018)

Yaali Wendeve wa Western Region Elders Council Vihiga Chapter, , Sabatia Sub-county kuduuka lwa atuli ho.

Yaali Wendeve Vihiga County Heritage Council (iviikaa halala Valogooli, Vadiriji, Vanyole na Vaterik)

Ni mulala kuvaataangiza Gaigedi Secondary school halala na Magozwi Joseph kuli Head Teacher, James Mbato, Jona Ingasira, Magistrate Mahasi, Phinius Imbudi na vandi.

Yaayiinzila halala na vandi kuleeta mazi ge Kisima ha Gaigedi Secondary School kuvitila ku CDF, PTA na Kenya Airways.

Yaali Wendeve wa Sabatia Sub-county na Mbale Referral Hospital Management Board.

Kuli mulala kuvaliindi va lulimi lwa Lulogooli, yaahaandika kitabu kilaangwaa “Utagwa Kilage.”

Yaali wendeve yataangiza Upper Ezava Water Resources Users Association (WRUA).

Yaali mulimi kutula kale. Nava mulala kuvandu vaatugaa zing’oombe zia guredi muinzila ya zero grazing. Kuloondekana na ndyo aamanya ataangize Sabatia Dairy association. Leelo ndi Sabatia Dairy izyizagililaa kuli Cooperative.

• Inyuumba

Bernard Chahilu yaaleeta Beatrice Vihenda muhiga gwa 1971 mweli 14 gwa munaane. Wavaminyia yaali Joel Litu mukiselelo chavo.

Vaagaasizwa na vaana vayaayi vavaga. Amiita gaavo: Kinandi Evans, Kennedy Gwehona na Pritty Mbarani. Vaosi vavee muoyo. Avisukuli ni munaane na visukululwi ni vavaga. Voosi vaduuka vandu likomi na vataano vi Chahilu aleki.

Muhiga gwa 1985 muyaayi waavo yaakuza ma Bernard na Beatrice nivaliinda vaana saba va amwaavo yaaleka.

• Vulwaye

Benard Chahilu yataangwa nu Vulwaye January 2024. Yaazya Sabatia Health Centre nivamotuma Vihiga Referral Hospital. Yaazya kandi nabiimwa Kakamega, luo lwa yaamanya niazya Kenyatta National Hospital. Vaamobiima nivamovoolela yilane yengo. Yaamanya yilane nava ku Kidney dialysis muisivitaali ya Synergy Hospital Kisumu halala na Jaramogi Oginga Odinga.

Yaamanya amiiniki ligali mweli gwa Mei 2025 niazya Vihiga Referal Hospital. Vaamukola Admission ma mwoyo gwamanya gutula mweli 31/015/2025.

Yaali niamaliyi mulilova mihiga 83.

• Vukristayo

Yaabatiswa kitabu chu kutaanga (BK1) mweli 9-11-1977 na Daudi Kadenge.

Yaabatiswa kitabu cha kavili (BK2) mweli 22-7-1984 na Zedekiah Chayuga navee General Superintendent.

Yaayiinzililaa ku Board ya Vokoli Yearly Meeting.

PS: The funeral committee insisted on Conventional way of writing.