Maria varahararil'la iruguru!

Numanya iki chavareta? Sivaza isugugu vava, noho kwambukira muhiga yengo. Vaza kukubima vwongo, vusiru, kwenya kumanya kunyi vamenya yengo kudigaa ndi. Ku vazie nivakoseka shia kwabuherel'la ku vikorokoro. Mindu jiene yiji, varara avana vitu, vafwanaa vu mundu avasonyi murandukizu. Maria!

Nu mweri kaviri, Januari. Vana vitu vizuu ku nzira. Mu  mavwevwe! Vagwi zidaywa, ivo vavukizaa vandu vavashiri wi midoga jivee. Vahiritizaa zimbigambigi kunzira. Haa, eti vazizaa kurindil'la midoga jizizaa muruguru. Vazie ku zigasi!

Ku vaza ki? Noho ndakari ndeve ndi? Vaza kuria isugugu! Yikwo nokovora ki numanya? Kijira nivataza Mweri wa kavaga, kane, katano kuzia wa kumi? Kijiraki? Vandu vayanza kwinyangiza na sivaroraa dave.

Kunyi vu mumadara ma kuvahenzaa garaha. Korora shia vazaa nivisuta! Korora shia vadenda vana vafuru, vatamanyi komoroma. Vayivirira zigasi zie kiriga - miyinzi ju vurimi. Vazi veya viosi viu kwari nikuvungizi. Ni  kivuni mba. Varava vaveeyo vwera ngani kwamanya!

Iring'ondo, yee iring'ondo! Riaguta inzara. Inzara igutaa vandu. Inzara ye rienya viu mwoyo gwenyaa. Inzara ye riegomba. Riegomba komenya iruguru. Iruguru wa vandu vizura ne midoga. Wi zigasi ziu vurimi zivura. Wa vandu vaniha! Wa vatende vatacherizanaa! Wi zinzu zitungwaa! Wa vandu vosi venyaa kuva!

Kwari kogehere hariha kunyi vene  kuratangiza zimbia ziu vusiza yengo? Iruguru nu wu munyapara, umuhindi, mwafurika musungu! Kufwanaa avatumwa, koveye vavohe, kunyi vu kuzizaa iruguru kusaviririza zigasi!