Nivaduya Kegong'o kwirova

Vasakuru varanga vasaniaga vosi Ivudaywa madiku gene gara. Arap Titi yashira zibarua ivunandi na vandi nivazivugul'la evorogori kwel'leka embo. Rudiku riu kuvugana vwacha v'vi kijira  varogori val'la, vanga Anzigare, Parafandara na Rivendi vahenza kuvasakuru vafudura matu vaveye nizimbome kuminwa ne viahonyo ma vatanga kuvasekeriza ne kokora kehenyahenye kovora yavo na vasaniaga dave (hambi kuragiri, eboso ihii. Na kaseveve ku munyu gonoji mu).

Kivara chadunya rwa varanji vi riagana vegosera ku isirika ya vandu hakiguti. Val'la vaamoromaa twa twa, vandi twe twe na vandi kacha kacha. Ku vana vu musaniaga vahenzaniranaa kunduru kwe emoni. Ring'ung'una riakira rwi ibarasa yavura kutanga.

Gari ndi vasaniaga vahambane vave kindu kirara. Vakol'le miyinzi harara. Vaveye ne miandu vamburi vavura. Na vamenya ihare vihul'li yengo. Cha vahul'la ni ndi -riagana si riekoreka navuza ridiku riakusundizwa. Yaga mang'ana garuma vasakuru zinda kijira vari nivaturi muvivara ihare.

Gekoreka ni gu kuhuga kijira musakuru munandi yasingira narakava navora, 'vamwavo vitu vakwambakani. Si varikoraku riagana mba!' ma naduya kegong'o kwirova. Ma vahararira wavari nivaturi virumaa videte nivisuha.

Yamba rugano yiru ni Musaniaga Laban kutura Ivwigina.