Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Mama, nziranyiaa risandiza

Murina wange munene ni nyina waa. Ndamuyanza kuvita vosi. Yainyanza kase. Rivugura kevogo nukunzuva nde zinguru ku vosomi nindi zigasi ziajira nunu kari nengenda ihare nzizagirira kwizuriza mama.

Nu waviruka muvisandu ma warerwa na guku noho senge noho yatakwivura ujira no vovereri mu mwoyo nuweteva, 'Wange nyina yafwanaa ndi? Yari anzumbake ndi? Oh, mama, yari ambe vuyanzi'. Gajira ndio niwavura kumurora.

Na yamurora, namuviha, namukuya kevogo chu vuyanzi, nava mwana wi imbiri, ichekorero, avezaa naveye nyina wa yamanya? Si novodoto kovora wamanya gosi ku nyina wovo dave. Kari muvuyanzi vura anyara kuva Angirung'ane.

Nu vutuji noho vudaka vwu wavirukira mu? Nuganagania, vwajira ku nyina wovo nava rugano. Vurahi vwivwe vwaturanaa ku kindiki? Rikugurira vidamudamu? Rihandarira ririe korora wakuria kandi wakunywa samu? Vuyanzi vwari vwa girigari noho 'vwagurwaa'?

Kijiraa nendeva nukuturana ne rirora riage ku vandu vanzaganaa navo. Varara vandu vikikaye, rikura ria nyina waa vaizura muvunadi vwizinzu, vasungu vavarangaa 'land ladies'. Varara varura, vandi vahoma. Varara vakungaa vandu vataatunga madanyi go komenya. Ni riva ritaveye rirahi. Ku nzeteva, nyina wange arava undi, gari gave ndi? Arava nizisendi, kwari komenye ndi?

Mama yaraa anyara kuzanga yengo isa nimwami ne rivora ndi, atura kuzigasi zizie. Yaraa akotere mureri mumba, akodekerange nakizia. Isi witu yaraa ahenzerange kunduru kijira mama navoo avoo. Na madiku nigazia, zisukuru nizikugumii, kwari kove kwadaka zingano nuvwiyangu vwukugunza na nyina witu.

Nirwo rwa nganagania nembora Nyasaye yakora kindu kenene kumba mama wange. Muzinguru nuvwihani vwivwe yakora gosi gukujira kuviruki vurahi. Yariho rwosi. Yatinguhaa ku kukuha keveeho mba. Na kevogo sichagosaa mba.

Comments

Post a Comment