Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Vihiga United ni Chekorero

Vakini va Vihiga United varetee kivara che Vihiga rusuma ronene rwa vaguta vakini vandi kuduka vamare vu kutanga mu kika cha National Super League. Rirega yiri rivingirizaa mu kika kenene chu mukinu gwu mupira mu Kenya - Kenya Premier League.

Si vwari vodoto mba. Mu ritangira riu muhiga gwa 2017 mwoyo gwaza ndi, 'Vihiga United iringirizwa mu Premier League' navuza siganyarika dave. Gajira kandi virane mu National Super League ma mieri tisa jakavita vakurundu vitu vaguti kwingira mu kika kindi.

Umwimiriri Edward Manoah, musiza wi viguti nu vukini yamanyie vuguru vwivwe mu mikinu 36 ja vahagana nindi vakini vandi. Kuye, rogendo ku rutanji. Nataa yimirira Vihiga United yaraa mwimiriri wa Kakamega Homeboyz.

Ridiku riu mweri 26/11/2017 ririzurizwa na vosi vaganira Mumias Sports Complex. Si kwariho nu vwiyangu vwa magoso, kusingira mu kiguti noho koreka vakini va KRA kufunga ribaho. Gwari muvayo dave. Rigoso riosi riosi riari rijiri varegwe gwari gove mwisu gwavo - vatange kandi vushia.

Nirwo rwa Patrick Okullo yakuya ecorner yiza vurungi nang'ana itumiywi ku mutwi gwa Bernard Ochieng. Bernard nu wukinira ku? Mutambi, muguru, wa makumbe, mwituriru mu vurindi, wi isaba, yakora ga yamanya. Cha KRA yarora ne eneti ni yesesa. Vihiga United yari kumara kuguta.

Vuyanzi ne isango yaranda wosi - evonyore, idiriji ne evorogoori. Kandi wosi wa vayanzi vu mupira vavee. Risandiza rinene riazira vwimiriri vwa Vihiga County ku igasi indahi yo kutangiza zimbio zio kuvirukiza vihanwa mu vang'erere.

Risara hosi riveye ndi; rwu mikinu jitanga mu muhiga mushia, Vihiga United iduki kukinira mu kiguti chi Kidundu keveye Imajengo. Ndio kuduka vayanzi vu mukinu vanyore kuzizanga ho nu kuzuva vayayi nindi isango vazizagiririri koretera Vihiga rusuma rurahi.

Kutura kare mu madiku ga Maragoli FC vandu vi Vihiga varaa vahaga mu mukinu gwu mupira. Kari niva AFC Leopards - vuyanzi kandi vukumi vwa varushia - irazizagirira kudidikana, vayayi va Vihiga United vahandarare vakuniki esoni eveye ho nunu. Ni riegomba ria vandu goo, AFC izizagiriri shia yaraa.

Vakini va Vihiga United ivo; A. Kigadi, C. Musinza, D. Wafula, C. Okwemba, P. Okulo, S. Silicho, D. Ombeva, B. Ochieng, E. Makaya, M. Liuva, D. Tiema, F. Mwenda, G. Abucheri, D. Kavaji, K. Muhanji, G. Aino, C. Senaji, R. Chambade, M. Imbalalmbala.

Comments

Post a Comment