Saying 26

- Uriagana na Mangidi

Trans; You will meet Mangidi (Ogre).

Mangidi avee na katwi kadi ne riviri rigari. Katwi kazana kaveye nurwiga. Kurwiga koveeku ne emoni ndara. Avura muru. Munwa gwatomboka minu mugi kuri giking'ang'a. Matui gege namanene kuvita mutwi. Maswa gaizura kumbiri. Kigaro chiche kinyara kugumira vandu vatano vahindira. Masanda gege gatega kuri matimu. Nagenda hasi hadegeraa. Unyara kumbita muzimbiru mba kijira anyara komora kuri ingugi, nanina kumisara kandi anyara kunyagura kuri mundu. Afwanaa ridimoni.

Kwagana na Mangidi ne rirora ridiku ritambi. Vandu vakoraa mima jitenyekaa ivo vamaa vava vageni va Mangidi. Nakugumii sunyara kwiruka. Roveza rufwee. Niye mwigizi wavatingu.

Yiru rugano rukubirwaa vandu vatahuriraa mang'ana. Vavezaa vahangari navahindira kuvo. Nu rugano rwukutihiza vana vavuri kogotera mukidaho, muritenya, mumurimi, muvukinu noho kunzira nivatumiywi. Kandi ruvagayaa kogenda vudiku. Mangidi anyara kuva nagenda.

Gene sekoveekuho ne kerombe kuri Mangidi. Avura ho mundu yakerora. Vageri va kare vatumikiraa Mangidi kutihiza vana vave vangu na vahuriri ga vavorerangwa. Yiki ni kijira umwana anyara konyora matava naveye yengine. Si vwaraa vurahi kuva wa vandu vataveyemba. Vindu viu mburimu viaraa kuvunyingi na virara viraa virahi mba.