Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying 29

- Ga vandi imbiri, gogo inyima

Vokovora sivavoraa gavo kutanga vamaramba. Gavandi gavayanziza rekaza. Vatiguu sivamaraa. Rirasimuguka rizie koyera vakikiriku. Gavo mungono. Gavandi hamunwa, zu zu zu zu zu, nivisunda nichiriri. Nohenza zana chavavoraa kivura. Embodoka, rivitaana, risuhana, rinyegana. Vwoni.

Viyingwa nivio viayanzirira kwituma mugavandi. Vatunyiriza, vagangira, vagina, vameda, varohiza, vabanga, virura, vageranyia, vafananyia, vamwaminya, vasona, vaniarira namoni. Niyo igasi yavahevwa. Vareke vakoreki navayihana kugasi yavuzwa? Vatakora vataa kugangira, vataa rekana vatange kodora vandi, vataa moroma gukwumbaka vataa kuyanzirira gonechi. A, vandu vaingenyia.

Kijiraa kari vana nivihana mumima kuri yiji nurwavamaa vahurira vivuri nivizumba korohiza gavene. Onyora mwana muke navuza embeba yamera hamunwa, ururimi rwatavagira, umugaye akoseme. Riva kuri riene yiri marivirukizaa vayayi viviseno navakana vivisemo.

Mugasu numukavi wovogeri. Vudiku numbasu ahenzaa shanyara kwituriza muvuyingu. Nanyoo vwiyangu vwokomoroma avoraa gumbakaa, siyikumaa kugavandu. Kivara chakira mang'ana, vuri rindu nagege. Nuwenya kumanya gavandi nukuzi nutatanga. Nuwenyaa kwimanya tangira mumwoyo, tanga nagogo, ndio urahindira. 

Comments

Post a Comment