Saying #11

-Avagesi vavunaana mbango

Avagesi - thieves
Vavunaana - fought over
Mbango - cooking stick

Kijiraa ninziranira rugano yiru nikuturana ku iriivara riu rugano 'avagesi vavuna mbango'. Kuvuna nukuvunaana namang'ana rugano.  Murugano yiru kuvunaana nu kukubanirwa, kurwanira, kogotiza kivuni.

Vuchima vwari vwakadekwa nizikiri zinguza kwihurwa. Vagesi nivashira zimoni varora umbango goveyeku nuvuchima. Niveteva, 'ha vuchima vuzira kurava nikwakaria voveye kumbango.' Rwa murara yenya akuti arie, undi amunyaga. Rwa vazizagirira kunyagana varuha vavuna mbango zana. Na nuvuni umbango ovezaa ogosi, nivadekereki mugamba? Genyaa gundi guvazwe.

Mbango ni kindu kikunikiriraa rirora rinene. Mbango ni mang'ana madididi gajiraa vandu nivasorana nukudunyirana nukukubana. Rwa mundu ashiushukiriraa mumang'ana vujira kuganagania mu avezaa kuri vagesi vanyaganaa umbango. Arava nuvwituriru vwu kwenya kumanya vutangiriru nuvutwekerero vwago ngani mbango si gwari guvunaanwi.

Chamanya kivunanwi kijira risorana yiri ni vwiko, vurina, urukari, uvurahi, uvuyanzi, imirembe ni vindi vinyingi. Rwa gatanga garorekaa madoto. Rwa gafumbwerwa gaaduka. Nunundi guhiririma rekaza. Varamanyaa sivari vinyagurizi muriambaka mba.