Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #8

-Vatwa vasekana zimbara -
vatwa - people of foreign origin, half-casts, of similar problems, living at the boundary
vasekana - laughed at each other, scorned one another
zimbara - wounds, scars, fates
Vatwa na vandu vanakivara vataveye nuvurungi murimenya riavo. Na vandu vidikira mu vandi, varara vazia komenya mumiritu na vandi vazia muzihiri zindi.
Rwa vaganiraa yo, vogono vwo kumanya yavo na vandu vu l'lera l'lara korondekana ne riva riavo, vamaa vagirung'ana vatanga kosekeriza no komonya vandi. Vari vakonyane vamaa vagosana vava vasigu kari si vahereranaa mba. Numuteva wache aveendi amaa yegoiza amanyi mba noho amoroma mang'ana madamanu kuye.
Vuri mundu aveyange ne imbara yeye. Imbara iyi novogeheru vunakivara. Vunyara kuva vurwaye, vudaka, vusiza, vorema, vukungu noho vumanani vunavoreve. Rwa mundu atangaa koteta navora mang'ana madamanu ku undi amaa yiviriraa kandi naye aveye novogeheru. Genyaa mundu murimoroma ririe avore marahi, mang'ana gumbakaa, inditi ne viseno areke. Na ndio si varasekana zimbara mba navuza varayanguizana murimenya riavo.

Comments

Post a Comment