Saying #20

-Ai yioho namatiga Vukuru-

(Translated as; Let it  be, that is how it's always been)

Kivara ne rigina riterere. Nukina ku uraswerereka uvuniki. Gutanyariza oreke gave. Nuwegeragera ku uranyora matava. Nivurahi matava gakonyorere vujira yivi mwene kugenya. Kijira nugenya nuriri mbitirira.

Gekorechi gekorechi. Gasunduchi gasunduchi. Gagwii gagwii. Gaduchi gamarii kuduka. Yivi ni vwaha uhangare nago? Gavugiriri shagaveye, gavuguri kuri mangu, yiviki muriva rio kwehozeriza.

Rugano yiru rukubwaa ing'inga ya mang'ana madinyu ganyoo mundu. Rinyara kuva rikuza, kogotiza mwandu, kogoserwa nu mundu, kuduka hudira na gandi. Mundu genyaa yivika mwisuvira ndi, garagasa. Si gavee yago geng'ine gadukaa vandu mba. Koveyeho na gandi manene, manyingi.

Vwituriru mu madinyu vokonyaa mundu asosa vwangu. Rifwenzekerera rizaa na gandi. Kutura mu madinyu genyaa riiva riu mwiyo mwangu, rivugirira ku gosi, kumanya mundu ne kerombe kegeheru, sandara avee nu vuyanzi na rundi kugimbitia.