Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #19

-Vana vahul'laa kaviri kavaga-

(Translated as; Children hear twice thrice)

Umwana nu mwana. Rwovezaa naye ajira nurwana runyingi kijira akivirukaa na samanyi vindu vinyingi mba. Vavori vavoraa mwana sajira namagoso mba. Nagosi avezaa nakol'lee murigotwa kinga risura mba.

Nuwigizaa mwana sanyara kugumira migizu gosi l'lara mba.  Mal'la gamaa gambita. Noho ava nikirage chukwenya kumanya onyora chagaywanji nicho chazizagil'laa kokora. Irwo rwu mundu amaa avugura imbimbu mbura mahagama gaturi muvo.

Rugano yiru rukubirwaa vandu vahundira, vana dave. Onyoraa kandi navo vagosaa muvika vinyingi kuri vana. Venyaa vuri inyinga vave nivavol'lwaa kora ndi, kora ndio. Genyaa mundu muhindira akore ruhindira. Rwana mba.

Kwigaa goo, vana navageheru murimanya na venyaa viraniri kwigizwa nu mundu wosi. Utaruha kwigiza mwana mba. Navuza mundu yakahindira naturi murwana sigenyekaa ave wokovol'lwa mba navuza wokokora gadukani. Vana ma vigiraa kuvahindira.

Comments

Post a Comment