Saying #17

- Vukiri vudiku novoraa vuyu numugasu -

(Translation; It is still night and you are saying Anonymous is blessed)

Kisundi nichovora orol'lee mu kindu mba. Niwari otevwe chorori umaa wivare rugano. Sigenyaa mundu yikumi kwing'ana noho kukindu chatamanyi vurungi vwacho mba.

Mang'ana gi kisundi namadinyu. Ganyara kuva riveshi. Kinyara kuva nikivwa chivika risero rie rigondi. Utasuvirira mu dave. Nuva ovee mugeri umaawegehiza kijira si niviosi ving'ereng'anaa vivee zing'ereng'ani vava!

Mundu akubirwaa rugano yiru niyari yasuvirira mumundu naleve. Varara vamaa vagoyanywa na vandu, vagwa vasiru. Nuwari uviganihizi vasura. Umwiganihizi agwa mudamanu. Kivuni kenenene onyora ni vandu vaveye nerisuvira riu vuyingu mu vandi.

Kari niva nivurahi kusuvirana, genyaa mundu ava nuvwogo vwukumanya kiriha kirahi na kiriha kitaveye kirahi. Mang'ana gukubadika kindu noho mundu numurahi nasiwamumanya wosi dave si gavee marahi mba. Mugeri amaa aha mundu vusuvirifu kivara, vwosi mba.