Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #17

- Vukiri vudiku novoraa vuyu numugasu -

(Translation; It is still night and you are saying Anonymous is blessed)

Kisundi nichovora orol'lee mu kindu mba. Niwari otevwe chorori umaa wivare rugano. Sigenyaa mundu yikumi kwing'ana noho kukindu chatamanyi vurungi vwacho mba.

Mang'ana gi kisundi namadinyu. Ganyara kuva riveshi. Kinyara kuva nikivwa chivika risero rie rigondi. Utasuvirira mu dave. Nuva ovee mugeri umaawegehiza kijira si niviosi ving'ereng'anaa vivee zing'ereng'ani vava!

Mundu akubirwaa rugano yiru niyari yasuvirira mumundu naleve. Varara vamaa vagoyanywa na vandu, vagwa vasiru. Nuwari uviganihizi vasura. Umwiganihizi agwa mudamanu. Kivuni kenenene onyora ni vandu vaveye nerisuvira riu vuyingu mu vandi.

Kari niva nivurahi kusuvirana, genyaa mundu ava nuvwogo vwukumanya kiriha kirahi na kiriha kitaveye kirahi. Mang'ana gukubadika kindu noho mundu numurahi nasiwamumanya wosi dave si gavee marahi mba. Mugeri amaa aha mundu vusuvirifu kivara, vwosi mba.

Comments

Post a Comment