Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #12

-rimoroma riatama vandu, nembee murara -
Rimoroma - speech, talk, communication
Riatama - defeated, hard to do
Vandu - people
Nembee - me being
Murara - one of them (mul'la)
Ruyari ronene rwa vandu vahevwa na Nyasaye ni rimoroma. Zinyamanyama ziadaka ruyari rweniru. Zing'ombe zianaa, zimbwa zirokaa, zidaywa ziraguraa, zingoko zikegeteraa ne manyonyi gizanzanzara. Kari nigatevee sizinyara komoroma, zinyamanyama yizi mazimanyia cha zienyaa, niva nivurwaye, inzara noho risangara.
Navuzwa vandu vaveye nuruyari rwo komoroma. Umunwa nururimi ivio vivero vio komoroma. Kandi nivio viukunyanya. Kandi nivio viokoheranira nigava muru gahani.  Na mundu anyara kuturiza mioyo rugano na rugano. Vuri mundu aveye nu mwoyo gwigwe, varara miritu na vandi ming'erere. Vandi vamoromeraa hasi na vandi iguru nang'ana vahanzukaa.
Rurimi rwadurwa vuri ing'inga kinga roreteraa muviri kivi. Rwagemera muviri. Rwa mundu ativuraa mang'ana avezaa nasuviraa garahera nangani gazizaa kwumbaka inditi mu vandi vamanyaa vagirung'ana agavoye ura. Uranyora vandu nivasemana, varembana, varamana, vikanana,  visuhana na gandi gosi gikivihiri. Yago gosi ni ritumikira vunyari vwo komoroma vudamanu.
Mundu sigenyaa anyaguririrange mwimoroma mba. Genyaa ahuririzi mang'ana, anyanye mu kunangwa adore rogendo rwu kutivura. Rwu mundu avezaa nuvutima yaga gamaa gamuvita oyo yinaza murirakava. Na mang'ana gajira namaseno. Mundu natashioye ku madiva gaavoye gamaa gekoreka.
Rigosana rinyingi rituraa kurimoroma. Niwari omorome vugasu, ovoraa zimbemba. Niwari wehozerizi uhuriraa ga mbeto. Niwari uchiring'ane onyora mundu akutindii. Yaga gosi nerimoroma.

Comments

Post a Comment