Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #18

- Vwiko vwum'murugu -

Vwiko - relationship, relative
Vwum'murugu - of the leg

Vandu va kare sivamoromaa kuri vakarunu mba. Vavisaa mang'ana mumang'ana. Sivenyaa chavavoraa, kari nicharaa kirahi kevoreke havuravu. Rimoroma siriaraa rihingana neritavatava ria kororaa madiku gano mba. Nivavoraa vwiko vwum'murugu vamanyaa chavavoraa vene.

Murugu gwayuma, muvasu guvari ku urarora negong'ereng'ana. Mundu nayaga ku namasanda ararora risamuka riagwo. Vandu vanyingi sivasuviraa virenge viveye nigasi mba. Mavaroraaza viveeho kogenda. Avarema ivo vamanya vurahi vwivirenge.

Rugano yiru rwavorwaa nu mundu yasinywa. Mundu namuteva, 'vuyu numurinovo, sindamanyaa aravora mang'ana mavi kwivi', ma avorerwanji avora, 'vurina vwum'murugu'. Gavee kovora si nivurina vuhindiraa mba. Murara aziraa undi hasi, amumoromeraa madamanu, sivakonyanaa, vaveye nuvusigu mugati. Kari viko vavee ndio.

Unyara kumanya mundu mukonyi korondekana na shiakonyaa wacho, namuvorera marahi, namuruta, namusarira vurahi. Vwenivu vurahi vuhindiraa. Vandu mavavora, vayanzana kuri mweri gwayanza vudiku.

Comments

Post a Comment