Skip to main content

Featured

Posted by

Chahilu history in Lulogooli : Gaa kale gaa Chahilu (1942-2025)

Bernard Philimona Chahilu 1942-2025  Liivulwa Mukuluundu Bernard Philemon Chahilu yivulwa muhiga gwa 1942 mweli gwa kavili guvee sita (6/2/1942). Nu mwana wa Elam Kilago na maama Jelida Modani ma vosi vaakuza. Nu muyaayi Mukizuungu Mudidi mwifwa Mumasiingila Muvisonye. Yiivulwa muyaayi munifu mulidaala lye Gaigedi, Gaigedi logongo, Wodanga Lusoma, Sabatia Sub-county, Vihiga County. Kuviikilwa makono. Yaaviikilwa ku makono no mwilwazi Daudi Kadenge muhiga gwa 1942 mulidaala lie Gavudia mulivugaana lia Valina. (Friends Church). Likevwa Yaakevwa muhiga gwa 1952 kekevo chalaangwa Silula. Lisooma Yaataangila lisooma lilie ha Gaigedi masoomo go muluguki. Yaamanya niazya Gahumbwa Primary muhiga gwa 1955 mukilaasi kia kavaga. Yaakola ligela lia vaalaanga C.E.E. (Common Entrance Exam) muhiga gwa 1956 ha Gahumbwa. Muhiga gwa 1957 yaazya kusooma mukilaasi cha kataano ha Kericho Township School. Muhiga gwa 1958 yaazya kusooma ha Kigama Intermediate mukilaasi cha siita niakolela ho ligela liala...
Post a Comment
Read more
Posted by

Saying #21

- Ku numuravi-

Umwana wumukana yakwivul'la hango. Na mameve siyazia rukari mba. Numanye mumba mwene mura vakana sivazizaa rukari vava. Kogotwa iki chagwa. Na wayivuu uyu, nigavendi? Ku numuravi.

Rwa vasanji vashira yo vukwi, viduyira kugatavorekaa. Mukana yavirukira wanga nyia. Na nyiuyu si yari yazia havundu mba. Yago namangu. Madinyu ni goo, Musaza aveeyo, wu mukana aranga baba. Musaza yaretwa! Ekesegese chumukari. Kuvisa chahonyo, vamaa vahana vuza zing'ombe. Na gavorekaa kari guku Mukana yari yidikiriza musaza hango hene yaho. Ku numuravi.

Mwana yasura kwitul'la. Kisusu chene. Numbol'la yenya kokohenza mmoni. Mmuduraa vuza. Nuvuyanzi vwivwe mba. Kwariho rwa nyia yavirukaa. Vwaha yari ambol'le? Yaraa kivambara, vosi vavitiriku. Yamanya nakuza. Uyu natahenza, natahenza, murakaze m'mbol'le. Ku numuravi.

Akubaa musaza? Yago namageni kukunyi. Ma vwaha namunyare niva yatama musazeve? Rwa yari nakiraa mukana vaza yaha na nyia, varaa vakubagaji isi, babeve. Mwanoyo gavorekaa niye yatizira isi rwa nyina yari namugumii. Vasangirira nivamusaririza. Na rwa karunu vakiri kutura vazie koteva isi zimbavasi. Vavee kuziandahi mba. Ku numuravi.

Mwana yareta mukari hango, wo! kinia muriru! Adoraaza adora kari navizara. Yatihiza vaharikwa vahararira iruguru. Nakutanji akumaraamba. Wenuyu kogotwa arikamunyare. Yenyaa yononyie hango ha Magomere. Koreta nuvurahi navuzwa koreta vakari Nareve ni kuri koreta matava hango. Vanareve ni vakari vava! Ku numuravi.

Comments

Post a Comment