Saying #9

- Indumba yukubaa wovo siniyo yangubaa wange -

Indumba -drum
Yukubaa -that you play
Wovo -at your home
Siniyo -isn't the one
Yangubaa -that I play
Wange -at my home

Koveyeho na murara ku vadada vange yayanza kukuba rugano yiru. Rumaa ruturana ku mang'ana gajira hango hitu. Muriviruka rietu kwahuriraa navora rugano yiru nasikwamanyaa imbisu yene mba kuduka rwa kwamanya kuviruka. Karunu nimbul'la narovoraa ndasekera mumwoyo kijira imbisu eveye mu ni induru yutavora.

Vayayi nivakahindira mavareta vakari. Nivaraa nimburirizani muriviruka riavo vamaa vaduka havundu vagehererana. Onyora mukari niye avuguraa ruyari rwu musaza. Atanga kuranga amwovo musaza weve mang'ana madamanu, 'Ngugwo guraza'. Agotwa kumanya anyara kuva niye yari mudiri wu musaza weve rwa yakevwa. Rwa vatigaraa muzinzu ziavo vavora mang'ana rugano ku amwavo noho wo mukari aranga muramwa.

Niva hango hari hamenye nihehozeriza, onyora hagwa matava. Vuyu avoraa yaga nindi ura gara. Nivavora vahambane mugamba zuri onyora vavukaa na mageni gaveye embeta na gavari varagani mugorova guviti. Yaga gaturananga ne inditi yizaa hango kijira embodoka, vumanani, risorana nende rirembana.

Sekovoraa nivudamanu mundu kuva nizinganangani rugano rundi. Ni vurahi kunyanya mu mang'ana nokokora miyinzi jidukani. Navuzwa rwo vandu vatumikiraa vwevohoro vwene yivu kusamburanyia nende kogosanyia vurina nu vwiko indio rwavasakuru vavoraa da, yago sinigavugiriki mba. Nokora chokora uganaganie wacho, utavugurira vurahi kunyagurira mumahingani dave kijira mugamba gundi nuhingwi kandi.